CU 好想見你？
2 min readMay 8, 2020
政府宣告向全民派發可多次使用的布口罩，並取名CUMask，據說，CU即是See You，好想見你咁嘅意思喎。
但係响外國，講See You係好日常嘅用語，幾乎每日講十幾次，通常喺同人分手之時講，其實係See You Later，大家簡化成See You，上學上班人士一日講到黑，向同學同事，响放學放工講。即係話，拜拜，聽日見。其實Later可以話係遲啲見，冇特別指明時間，視乎情況，大可以解成下次見。因為大家喺同學同事，咁咪多數係聽日再見囉。如果係一個月一次嘅例會，係咪下個月見囉。幾時有話好想見你啫？
而近年來，外國特別係美國，佢地興簡化為講Later，覺得型啲。上年套《以你的名字呼喚我（Call Me By Your Name）》電影就有提到，意大利少年對美國來客經常一句Later！就行咗去覺得好Cool好俐落，型到爆。咁你話點會覺得係好想見你？
除非，佢意思係好想見到你地戴著呢個口罩個L樣，咁就另計。不過就超岀我想討論嘅範圍。Later！